Logo Abanto zierbena

Enpresa-jarduera sustatzeko dirulaguntzak

Abanto Zierbenan enpresa-jarduera sustatzeko dirulaguntzak, libre dauden merkataritza-lokaletan jarduera ekonomiko berriak abian jartzeko asmoa duten ekintzaileentzat.

Abanto Zierbenako enpresa berrientzat inbertitzeko laguntzak 2025 - Abanto Ekintzaileak 2025

Abanto Zierbenan jarduera ekonomiko berri bat irekitzeko lokal libreen alokairua edo erosketa sustatzeko laguntzak

ABANTO ZIERBENAKO ENPRESA BERRIENTZAT INBERTITZEKO LAGUNTZAN 2025 - ABANTO EKINTZAILEAK 2025

Onuradunak


Helbide fiskala edo enpresa-establezimenduren bat Abanto Zierbenan duen eta aktibo ibilgetuan inbertitzen duen edozein pertsona fisiko edo juridiko.

 

Dirulaguntzaren zenbatekoa


Itzuli beharrik gabeko laguntza 1.000 €-ra artekoa izango da, eta 1.100 €-ra arte igoko da emakumeen kasueran, egoitza fiskala Abanto Zierbenan duten enpresek ibilgetu aktiboan egindako inbertsioa laguntzeko.

Enpresa berriei emandako laguntzen zenbateko metatua hitzartutako aurrekontua baino handiagoa bada, partida aurkeztutako enpresa kopuruaren artean banatuko da, eta % 10 gehiago emango zaie emakumeek sortutako enpresei.

Diruz laguntzeko moduko inbertsiotzat hartuko dira aktibo ibilgetuan egindako inbertsio guztiak (Kontabilitate Plan Orokorreko 2. taldea), gehienez ere urtebeteko epean, enpresak jarduera ekonomikoetan alta ematen duenetik zenbatzen hasita eta/edo jarduera hasi aurreko sei hilabeteetan. Guztizko gutxieneko inbertsioak emandako dirulaguntzaren zenbatekoa izan behar du.

 

Baldintzak


- Abanto Zierbena udalerrian jarduera ekonomiko bat hastea 2021eko azaroaren 1etik 2022ko urriaren 31ra arte. Data hori Ogasuneko Erroldako Altan (036 eredua) agertzen dena izango da.

- Enpresa-establezimendua edo helbide fiskala Abanto Zierbenako udalerrian egotea.

- Lanbide-Euskal Enplegu Zerbitzuan enplegu-eskatzaile edo enplegu-hobekuntza gisa izena emanda egotea Jarduera Ekonomikoen gaineko Zergan alta eman baino lehen.

- Abanto-Zierbena Zerbitzuak, S.L.k antolatutako Enpresak Sortzeko Ikastaroa egin izana, baldin eta ikastaro hori ezin egin ahal izateko arrazoi handirik ez badago.

- Abanto Zierbenako Udaleko Tokiko Garapen Agentziak onartu behar du Enpresen Bideragarritasun Plana.

- Enpresak gehienez 10 langile izatea.

- Abanto Zierbenako udalerrian Jarduera Ekonomikoen gaineko Zergaren epigrafe bereko jarduerarik egin ez izana jardueran alta eman aurreko urtean, bai eskatzailea, bai bigarren gradura arteko odol-ahaidetasuna duten pertsonak edo bizikidetza-unitate bereko kideak, salbu eta belaunaldi-errelebuko kasuak badira.

- Zerga-betebeharrak dituzten administrazio publikoekiko betebeharrak egunean izan beharko dituzte, baita Gizarte Segurantzarekiko betebeharrak ere.

- Aktibo ibilgetuan (Kontabilitate Plan Orokorraren 2. taldea) inbertsioak egitea, gehienez urtebeteko epean, enpresak Jarduera Ekonomikoetan alta ematen duenetik zenbatzen hasita eta/edo jarduera hasi aurreko sei hilabeteetan. Guztizko gutxieneko inbertsioak emandako dirulaguntzaren zenbatekoa izan behar du.

- Enpresaren jarduerak 12 hilabetez jarraitzea eskatuko da.

 

Eskaerak aurkezteko epea


2022ko urriaren 31 arte

ABANTO ZIERBENAN JARDUERA EKONOMIKO BERRI BAT IKERITZEKO LOKAL LIBREEN ALOKAIRUA EDO EROSKETA SUSTATZEKO LAGUNTZAK

Onuradunak


Abanto Zierbenako merkataritza-lokal batean jarduera ekonomiko berri bat abian jarri nahi duen edozein pertsona fisiko edo juridiko, bere bizilekua Abanto Zierbena edo beste edozein herri izan.

 

Dirulaguntzaren zenbatekoa


Lokala alokatu edo erosten bada, lehen urtean 200 €-ko dirulaguntza emango da hilabetero. Laguntzaren gehieneko zenbatekoak ezin izango du inolaz ere ordaintzen den errenta gainditu.

 

Baldintzak


Ekintzailearen eta enpresa-proiektuaren ezaugarriei dagokienez:

- Abanto Zierbenako merkataritza-lokal libre bat alokatzea edo erostea, jarduera ekonomikoa garatzeko, Abanto Zierbena Zabalik programaren barruan.

- Abanto Zierbenako establezimendu bat lekuz aldatzea ez dakarren establezimendu berri bat irekitzea.

- Enpresak Abanto Zierbenan izan behar du egoitza soziala, eta gehienez 10 langile izan behar ditu.

- Enpresak alta emanda egon beharko du autonomoetan eta bere jarduerari dagokion Jarduera Ekonomikoen gaineko Zergan.

- Ekintzailearen eta lokalaren jabearen artean alokairu edo salerosketa-kontratu bat sinatzea.

- Jardueraren bideragarritasun ekonomikoa ziurtatzen duen proiektu bat edukitzea.

- Ekintzaileen eta jabeen, haien ondorengoen eta gainerako senideen artean bigarren mailarainoko odolkidetasunik edo ezkontza-ahaidetasunik ez egotea.

- Zerga-betebeharrak eta Gizarte Segurantzarekikoak egunean izatea, eta Abanto Zierbenako Udalarekin zorrik ez izatea.

Jarduera motari dagokionez:

Jarduera hauetakoren bat izan beharko da:

- Azken bezeroarekin edo herriko bizilagunekin harreman zuzena duten txikizkako merkataritza-jarduerak.

- Pertsonei zuzendutako zerbitzuak.

- Kale eta eremu jakin baten ekonomia eta gizartea suspertzen laguntzen duen beste edozein jarduera komertziala.

Alokairuaren ezaugarriei dagokienez:

- Alokatu beharreko lokalak hutsik egon behar du eta ez du jarduera ekonomikorik izan behar.

- Alokatzen den lokalaren kontratuak gutxienez 12 hilabeteko iraupena izan beharko du.

 

Eskaerak aurkezteko epea


2022ko urriaren 31 arte

Dirulaguntzen eskabideak aurkezteko lekua

Abanto Zierbenako Tokiko Garapen eta Enplegu Agentziara bertaratu zaitezke. Bizkaia plaza, 5 (48500 Abanto Zierbena)
Ordutegia: 8:30 – 14:30, astelehenetik ostiralera
Telefonoa: 94 636 96 44 - Whatsapp 688 67 75 92
Emaila: